Здружението за граѓански активизам ФОРУМ 16 – Битола за потребите на Проектот „Градење капацитети за менаџирање на настани за собирање средства“ објавува повик за ангажирање на 3 волонтер(к)и.
Профил на волонтер(к)ите:
- Скромно искуство во граѓански сектор и работа на проекти
- Желба за стекнување нови знаења и вештини
- Интерес за филм и за човекови права
- Возраст: 16 – 35 години
- Место на живеење: Битола
- Одговорни, комуникативни и креативни
Одговорности на волонтер(к)ите:
- Промоција на активностите на проектот (распределба на промотивни материјали)
- Помош при креирање на документи за потребите на проектот
- Помош при креирање дигитални содржини и познавање за визуелно презентирање на содржини во форма на инфографици, постери и банери и слично
- Редовни состаноци со Проектниот менаџер и тимот на проектот
- Учество на едукативни настани и работилници во рамки на проектот
- Логистичка поддршка за време на проектните активности
Период на волонтирање: ноември 2018 – мај 2019 година
Волонтерски надомест: За ангажманот на волонтерите е предвиден паричен надоместок (кој ќе биде исплатен на крајот од ангажманот).
Начин на пријавување: Вашето мотивационо писмо (во кое ќе го објасните вашето формално и неформално образование, како и интересот за позицијата) испратете го на contact@forum16.eu со назнака ПРИЈАВА ЗА ВОЛОНТЕР – (име и презиме), најдоцна до 26.11.2018 година, до 17 часот. По завршување на повикот ФОРУМ 16 ќе стапи во контакт со селектираните кандидати кои ќе бидат повикани на интервју.