На 23 септември 2017 година, во канцеларијата на ФОРУМ 16 се одржа Годишното Собрание на кое се донесоа неколку важни одлуки. Пред сè, се усвоија извештајот за работа за периодот 2016/2017, извештајот за работа на Управниот одбор на Здружението, како и завршната сметка за 2016 година. Освен тоа, едногласно се усвоија годишната програма за работа за 2017/2018 година и финансискиот план за 2018 година. Со цел и понатамошно зголемување на бројот на членови, на Годишното Собрание се одлучи да се намали членарината за редовните членови за периодот 2017/2018. Сега таа изнесува 300 денари.